 |
Questa pagina a no l'è stæta corretta. | |
*
All’averta son partïo
Dä Lanterna, e son restôu
Soffocôu dä pûa e inorbïo,
Investïo, spunciôu, bûttôu
(Che no so comme a scappasse!)
Da tant’axi co-e scarbasse,
Da ûn spavento de carriaggi
Tûtti pin de donne e erbaggi,
Che tegnivan tûtta a stradda,
Camminando a ciù no posso
Tûtti là dosso, e bordosso!
Insordindo dä caladda,
Figgiêu e Vegi spaventando,
(Porriæ quæxi di sciaccando!)
E percose?... pe arrivâ
Un pittin primma ä Nunziâ!
Mi me pâ, che non vorrieivo
Questo abûzo mascarson,
E ûnn-a guardia ghe mettieivo
Chi ghe desse ûnn-a lezion;
Arriveì mi ascì ne-a Ciassa,
E sentindo giastemmâ,
Zûgâ ä müra, criâ e cantâ!...
Osserveì ûnn-a Biscassa
