 |
Questa pagina a no l'è stæta corretta. | |
L’ëa do meize là de Stæ,
Quando o Sô co-e rêue affoghæ,
E brûxando ciù ûn tisson,
O va a villezzâ da-o Leon,
Che ûnn-a sciolla de Sigaa
A cantò senza grattâa
Tûtto o giorno con frusciâ
Co-a so voxe destonnâ
Tanti Insetti so vexin;
Finalmente a desse fin
Aa so mûxica arraggiâ
Quando o Sô se cacciò in mâ:
Sciortì allöa dä so tannetta
Un Grilletto, e o prinçipiò
A cantâ a so cansonetta
Comme a moddo de Rondò,
Ch’o no a voeiva ciù finî:
A Sigaa, chi aveiva vêuggia,
Perchè stanca, de dormî,
A s’avansa da ûnn-a fêuggia,
E a ghe dixe in ton ardïo:
E coscì! ti hæ ancon finïo,
Brûtto insetto, de cantâ?
Chi nisciûn pêu ciù quetâ!
Se ti avesci comme a mæ
Unn-a voxe bella assæ,
