 |
Questa pagina a no l'è stæta corretta. | |
Armonioso , cæo, schillente,
Pin de comodi pe-a gente,
De maestosa architettûa,
De robûsta tescitûa,
Con colonne colossali,
Atrio, scäe, salotti reali,
E d’ûn lûsso e profûxion
Ch’o fa proprio soggezion;
Quando sä tûtto finio
Co-e so statue all’aja e in gïo,
E e facciate terminæ,
O vegniä ûnn-a raritæ,
E o porriä a raxon ben dîse
Degno de Carlo Feliçe.
Mi no parlo per pascion,
Ma a giûdizio, e pe opinion
Di Foestê chì capitæ,
Che l’han visto e son restæ,
E a ûnn-a voxe generale
Tûtti han dito tale quale:
Nè pêu dî diversamente
Chi di Teatri è intelligente,
Onde è giûsto de lödâ
Chi l’ha fæto e chi fè fâ
Questo bello Fabbricato
Chi ha zà fæto tanto sciato,
Decantôu per Europeo.
Chì me cazze a congiuntûa
De parlâ de l’Avertûa,
Ch’a l’è stæta, per dî o veo,
Imponente, strepitosa,
Sorprendente, mäveggiosa,
