 |
Questa pagina a no l'è stæta corretta. | |
*
Sunetto[1]
L'è doî anni che fan o burattin
Da mæ personn-a a-i Teatri per fâ rïe;
Me ficcan dappertûtto co-e poexïe
Per fâ o Poriscinella e l’Arlecchin.
Primma m’han rotto o collo a son de vin,
Son chi ä Foxe co-i osse impûtridïe;
N’ho mai çercôu nisciûn!...me çercan mïe?
L’è giûsto che me vendiche ûn pittin.
Scì Signore.... a l’è dita... êuggio stampâ
Un Lûnajetto apposta con de Foette ,
M’êuggio mi ascì a-e so spalle ûn pö demoâ:
Fö mette fin l’avviso in te gazzette,
E per despëto ö vêuggio regallâ
De badda a chi spendiä dozze scaggette.
- ↑ Questo Sonetto servì d’Introduzione al primo Lunario del Sig. Regina, stampato nell'anno 1815.
