 |
Questa pagina a no l'è stæta corretta. | |
93.
Da treì fêughi misso a rosto
Ne-a so Tann-a o Dey d’Argê,
O no trêuva ciù de posto
Da salvâse; fêua de lê
O tûrbante o caccia in tæra,
Maledindo quella guæra.
94.
Agitôu da mille fûrie
O vorrieiva poeì scassâ
Tanti danni, e tante ingiûrie
Fæte ä Fransa provocâ....
O no sa ciù dove giâse,
Nè o l’ha coêu de stillettâse.
95.
Ma frattanto se formava
Unn-a gran Depûtazion
De Notabili chi andava
Parlamentaja a Bourmont,
Domandando per caitæ
De fâ patti pe-a Çittæ.
96.
« Dîghe a-o Dey, ch’o vegne Lê
(Ghe rispose o Comandante)
« Dunque daggo fêugo a Argê...
Scì o vegniä (disse tremante
O ciù vegio), ritorniemo
Con Lê, o a testa so portiemo.
97.
Sta sospeizo o temporale
Ingrosciando in sciä Çittæ:
Impaziente o Generale
Ea zà lì per dî attacchæ!
Quando arriva un Segretajo
Möu do Dey parlamentajo;
