 |
Questa pagina a no l'è stæta corretta. | |
Quand’o l’è pe-e stradde a-o scûo,
Me gh’accosto e ghe e resccæo
Ciù che posso, e me sciallievo
De poeì fâghe ancon ciù cæo:
Questo è quanto a mæ natûa
Me permette de poeì fâ;
Ma no punzo, nè insordiscio,
Nè me sento giastemmâ.
A Sinsaa a l'è o finto amigo
Chi ve sciûga a borsa e o coêu;
A Cæabella incangio o vëo
Chi ve fa do ben, se o pêu.
FOA C.
Ghe regnava in Lombardia
Unn-a grande epidemia
De frevasse mascarsonn-e
Che ingûggeivan e personn-e.
Fra lô i Meghi consûltavan,
Comme libbri discorrivan,
Ma con ciù rimedii davan,
Per despëto e genti moivan,
Chè chi aveiva o miasma adosso
Ea segûo d’andâ in to fosso.
S’afferrò questo malô
Un Pöeta, e ûn Fornitô,
