 |
Questa pagina a no l'è stæta corretta. | |
FOA XCVIII.
Dixeiva a Vipera - a ûnn-a Sanguetta:
Cose vêu di, - mæ caa Nessetta,
Che tûtte due - l’ommo addentando
A-o stesso moddo, - per cose quando
Se mi o I’intoppa , - a gambe o scappa,
Ti incangio o çerca - sempre, e t’acciappa?..
Rispose lesta - quella Sanguetta :
Pe-a gran raxon, - mæ caa Lalletta,
Che a to puntûa - l’Ommo a fa moî,
E che a mæ incangio - a o fa guarî.
Unn-a critica giûsta a l'è a Sanguetta,
E a Vipera ûnn’ingiûsta Satiretta.
FOA XCIX.
Là de lûggio ûnn-a Sinsaa
Verso nêutte a l’ affermò
Mentre a sghêuava ûnn-a Cæabella,
E a sto moddo a ghe parlò:
« Ti hæ mai visto insetto a-o mondo
« Ciù de mi ûtile e valente?...
« Mi son brava in chirurgia!
« Mostro all’ommo ëse paziente!
