 |
Questa pagina a no l'è stæta corretta. | |
Cose ti te ne vêu fâ?
Làsciao stâ,
Quarche giorno o te fracassa!....
Replicò o Spinon : ohibò!
Ti fæ errô, — l’è o troppo amô
Chi me sforza d’agguantâlo,
Ma no vêuggio despûggiâlo,
Trêuvo solo, a dîte o giûsto,
Do gran gûsto
Quando posso scarlassâlo.
Quante personn-e gh’è comme i spinoîn
Che trêuvan gûsto in fâ de malazioîn.
FOA LXXXVIII.
Un Oxello ridicolo e insolente
Un giorno o l’incontrò ûnn-a Rondaninn-a:
Son servo riverente
(Abbassandose a côa
O disse) a questa bella scignorinn-a,
Che so che per demöa
A va sempre viaggiando,
E tûtto o mondo giando
Pe acquistâ nêuvi lûmmi,
E conosce di popoli i costûmmi,
Brava davveì! me ne rallegro assæ!
