 |
Questa pagina a no l'è stæta corretta. | |
O Gatto s’ascädava,
Ma a forza de treppâ,
Montâ, chinnâ, leccâ
Con tanto amô,
O ghe dè da treitô
Unn-a dentâ da can,
Ghe pertûzò ûnn-a man,
E o scappò via.
A Figgia stramortïa
Un grand’ûrlo a cacciò,
O Pappà capitò,
Che instruïo de tûtto,
Ghe disse serio, e brûtto:
Me ne rincresce caa,
Ma ûnn’atra votta impaa
De no te fiâ:
Chi ha o vizio d’addentâ
Per bûrla e per piaxeì
Addenta poi davveì
E per capriçio,
Perchè a finzion do vizio
A se converte spesso
Ne-o brûtto vizio stesso,
Nè ciû a se cangia.
