 |
Questa pagina a no l'è stæta corretta. | |
Vixin da vitta a ò tramontâ dò Sô,
Con ciffra d’anni in cëa Unze per Sëi,
A Maria de Savonna i sò penscëi
Volta Ittinio Riccalbo con fervô [1].
Da sò Comparsa a Botta in gran splendô
Ne ò Mille çinqueçento trentesëi,
Dixœutto Marso andæto, che pâ vëi,
O terzo Çentanâ ciamma a l’Onô.
L’Arcadia Savoneise, e tutto ò Mondo
E glorie de Maria cante a i sò Pê,
E e grazie immense che n’han fin ni fondo:
Che ò poveretto Ittinio quanto a lê
O fà da so miseria ne ò profondo,
Pin de speranza de cantâle in Çê.
- ↑ Nome di Compastore della Colonia Sabazia.
