 |
Questa pagina a no l'è stæta corretta. | |
Mistica Rœusa d’odorosa brocca
Che in Paradiso sorva tutte a spicca,
E fà tutta a Region fragrante e ricca,
Sciù Davidica tôre in âta rocca;
Quella onde tanta suavitæ ne fiocca
Anche fra noî, che donde a passa, e picca
I cœu pertusa ciù che i schœuggi a picca
E d’amô santo i feisce, i brûxa, i stocca;
De tante bestie velenose a ò lecco
Doppo salvæ che averà tutte in blocco
Queste di campi, e do terren ciù becco,
In mezo a ò zerbettin ciù værde e sciocco
Do Paradiso in to giardin mai secco
Staran fragranti in sempitærno a ò brocco.
