 |
Questa pagina a no l'è stæta corretta. | |
Vitam presta puram
Maria pietæ mostræneve Giuditta
Di trei primmi nemixi in questa lotta,
Comme quando comparsa a ò Beato Botta
Restò ogni rea pascion confusa e zitta.
Prestæne a tutti puritæ de vitta
Con quell’amô che i cœu pertusa e scotta,
E scibben lenti a ò ben comme marmotta
Accatteemo a preziosa margaritta.
Savonna a ne fa fede, e tutto ò mondo,
Che a ò vostro Tempio da tutt’oa perdonna[1]
Che spandeì grazie senza fin ni fondo.
Per questo nœuve lodi ogni un v’intonna
Ne ò terzo Çentanâ con cœu profondo,
Vergine santa cara de Savonna.
- ↑ errata corrige: pedonna
