 |
Questa pagina a no l'è stæta corretta. | |
Virgo Singularis
V’inchineremmo tutti a ò nostro gìo
Se arriveremmo salvi in Paradiso
Nûando in un mâ de giubilo deciso,
Di Angei Custodi a ò celestiale invìo;
Di sûavi consærti a ò mormorìo
Stupido contemplando ò vostro Viso
Ognûn de noì starà, mi son d’avviso,
Da lagrime d’affætto intenerìo:
E doppo aveive ò Trono in tutte e bande
Guarnìo de mille scioî cuggeite in Çê,
E de preziose pærle de ghirlande,
O giubbilo piggiando per mestê,
Ripeterà, ma in ton ciù allegro e grande,
Vergine scingolare tûtta amê.
