 |
Questa pagina a no l'è stæta corretta. | |
Solve Vincla Reis
De Gabriello riçevendo l’Ave,
Se a venerave in Çê n’hei misso in bon,
Deslighæne Madonna e da præxion
Rompî ogni zeppo cadenasso e ciave;
Fæ che do vostro læte ognun se lave
O cœu, chi foisse pù comme un carbon,
Da gianchessa da neive e do cotton
O sarà fæto degno d’onorave,
E se lumme de ciù ghe dæ unna stissa
Conoscendo chi l’amma e chi l’ammassa,
Scangerà naso e bocca ogni pelissa;
Tanto che a fin da questa tærra bassa
O monterà trionfante in candalissa
Là donde d’ogni ben s’abbonda e sguassa.
