 |
Questa pagina a no l'è stæta corretta. | |
Vergine de Savonna a ò vostro Altâ,
Se me salvæ, prometto de vegnî,
Dixeiva un Raguseo che d’ægua impî
Se vedeiva a sò nave in âto mâ;
Quando a un træto a borrasca ecco cessâ,
Ogni peigo de morte scomparî,
Mentre finisce a Barca de scroscî,
Che ò rombo tappa e stiva un Pescio Spâ.
Intra ò Padron feliçemente in porto,
Compisce ò Voto dò so brutto caxio
Scampôu per Vostro subito conforto;
Coscì de Vostre grazie cò ò bambaxio
Tappæne i sensi in questo mondo storto,
Di Vostri Santi pê corrindo a ò baxio.
