 |
Questa pagina a no l'è stæta corretta. | |
SUNETTO
III.
Inoltre questa Strenna a chi ha gradio
O so Giornale a l’è un ringraziamento;
E per chi l'ha trovôu poco compio
A stessa a pêu servî de stpplemento;
Per chi ne-o Fêuggio poco o assæ s’è instruio,
A l’è comme un resciou, un divertimento;
E per chi quarche votta o fù colpio
Da uña sasciâ morale, a l’è un inguento;
E infin a l’è un avviso che con franca
Prosa e poexia in politica e in morale
A dî a veitæ o Balilla o no se stanca;
E un invito per questo in generale
A-i Zeneixi de spende a so palanca
Pe vegnîla a studiâ ne-o so Giornale.
