 |
Questa pagina a no l'è stæta corretta. | |
atri Antonio Giuseppe Gaetano, battezzôu ne-a stessa parrocchia de San Steva ai 13 marzo 1756 , e da-o quæ, ai 27 novembre 1800, nasceiva Giambattista Giuseppe Perasso, bon poæ de famiggia e onesto negoziante, abitante a-a Spezza ».
Chì no ve raccontiö o solenne çentanâ che se fæto a Zena o giorno 10 Dexembre 1847, essendo mæ intenzion de favene narrazion un'atra votta; terminiö invece questo cenno storico co-o breve racconto do ritorno do famoso Mortâ a-a Cava, so antico[sic] posto.
« Per dispoxizion dunque do Quartê Generale do popolo, o giorno 8 zenâ 1747, o mortâ o l'è stæto misso in sciûn cäro trionfale tutto apparôu, e tiôu da 8 cavalli, e accompagnaôu da duî battaglioîn de çittadin armæ e de 70 zoveni a cavallo con elmo e corazza che strascinavan in trionfo e insegne piggiæ a-o nemico, o vegniva portôu in sce-e mûage da Cava.
« O convoglio o l'ea precedûo da tambûi, pifferi e atri istrumenti, e sparo d'artiglierie , seguitôu da un generale e continuo crio de Viva Maria.
