 |
Questa pagina a no l'è stæta corretta. | |
Un giornale liberale del Risorgimento, Il Saggiatore, nel numero del 23 dicembre 1856, cosi pigliava la baia di coloro che ne pronosticavano la fine.
Don!... don!... Chi mêue? Nö seî? L’è o « Saggiatô » !
E de cöse, meschin? Mä!... D’etixia:
O no aveiva che un pö de refreidô!
No l’han curoû a tempo: a l’è finia!
Coscì dixeivan, parlando fra lö,
Dui boin cristien vëi seia, in stradda Pia,
E pregavan pe o poveo peccatô,
Mentre a o Dommo sunnava unn’angonia.
Ma o « Saggiatô », ch’ëa li, poco lontan,
Con tûtt’ätra intenzion che de creppâ,
Sentindo questo, o se frettava e man:
E, andando tranquilliscimo a çenâ,
O pensava de scrive l’indoman
Anche questa tra e frottoe da giornâ.
Dall’Accademia, tenuta nel 1868, al collegio della Missione in commemorazione della scoperta dell’America.
A l’è chie, a l’è là, miê là che a spunta
Queila tëra, caxon de tanti stenti:
Miê ben de fronte, che se screuve a punta,
A truvâla ghe vuëivan i talenti
Do nostro capitan.... Miê che buscaggia,
Che cianüa se destende ai quattro venti!
