 |
Questa pagina a no l'è stæta corretta. | |
— 82 —
Poi tutto subito
O l’ha in t’un pè:
E sta commedia
Chi l’ha inventâ?
Nisciûn ou sâ.
Pensa e ripensighe, ecc.
XI
E do Santuario
Scinn-a i Ministri
Mettan discordie,
Fan da Anticristi
(So chi se merita
Sta staffilâ),
Dixan a-o popolo
Ch’o ä deve insâ:
Vendan a patria
(Che crudeltae!)
Per di dinae!
Pensa e ripensighe, ecc.
XII
I fêuggi pubblici,
Che antigamente
Ean comme oracoli
Per ogni gente,
Oua ve schiccheran
A-e lô manëe
Cose falsiscime
Che dixan vëe:
No vêuan ciù creddighe
A-o dì d’anchêu
Manco i figgêu.
Pensa e ripensighe, ecc.
