 |
Questa pagina a no l'è stæta corretta. | |
Ch’o vêu fâ contravvenzion,
Piggia subito o beschêutto!
Chì pellûccan un rechêutto,
Là spaventan con un sbraggio
O villan ch’o l’ha o formaggio;
Da sta parte se descrêuve
Unna corba pinna d’êuve:
Da quell’atra se gh’affaera
A panea ch’a sta pe taera.
Lì unna donna a se tapinna:
« Sciâ me dagghe a mae gallinna ». —
« L’ho piggiâ in contravvenzion ». —
Là un villan se mette a criâ
Con di sbraggi da fornâ:
« Caporale, caporale,
« Sciâ me dagghe o mae cappon! ». —
« O l’è incorso ne o penale ». —
No l’è véa che lì gh’è a speiza
Che se fasse qualche preiza?
Ma de ciasse e di caruggi
Pin de taera e de stroffuggi....
O da stradda chi è desfaeta.
Per e cose de sta faeta.
Come saiva carettoin,
Faeri, balle e bombe rotte,
Se ne cûran i mincioin,
E chi è aspaerto se ne f....
(A revista da Çittae da O Canocciale de Savon-na pe-o 1847)
L’ëa d’Agosto, quando ä nêutte
Se stà un pesso in scïa terrassa,
E sentivo a Campanassa
Ch’a sûnnava mëzanêutte.
S’ammortavan pe’ a çittae
I economici fanae;
