 |
Questa pagina a no l'è stæta corretta. | |
Che tempesta in ti têu êuggi,
ciù turchin do nostro mâ!
O Fatima, e nostre anime
no se vêuan foxia baxià?
Quarant’anni se ne xioan
da-o mae inverno tempoïo,
o Fatima, ma o mae chêu
o no v’ha mai dito addio...!
Nato a Savona nel 1881. Meccanico-elettricista, autodidatta. Vivente.
Savonn-a, quand’ a l’ëa reginn-a do Ciocciollo,
co-i sêu caroggi a gommio e quaexi a rompicollo,
in mëzo a i grendi nommi de sciensa e di timon,
a ghe n’aveiva tanti da mèttili a-o landon.
Do Mulàila no parlo, strassè de poco conto,
cattivo cornine l’aggio, ûn brûtto diao bizunto;
no parlo do ghêubbetto vegio Bertomelin,
o Figaro de stradde, o Dulcamara fin.
Invece mi ve parlo d’ûn vegio barcajêu,
che l’arregordan tanti finn'ä giornâ d’anchêu;
d’ûn çerto Martelôu, mëzo chêutto da-o sô,
descaso e ’na maccetta pinn-a de bon ûmô.
L’aveìva ûn poveo gosso ciù vegio de mill’anni,
stagnou con peixe e stûcco, coverto de malanni,
co se rëzeìva a forsa de cioi beli remaclae,
e stoppa in ti cömenti schissâ cun scöpellae.
Andavan pûre in barca, e se favan do chêu.
e belle comitive in gita a-o Cû de Bêu;
in gita ä Madonetta, vixin a-o primmo rian
pe muscoli e patelle da giasciâse cö pan.
