 |
Questa pagina a no l'è stæta corretta. | |
— 161 —
A-o Pontin de Strie
Ûnn-a vòtta sciù a-o pontin
Ghe faxeivan l’adonâta
Tutte e strie de l’annâta.
Brütte vêge e con lûmin
Gh’ëan tütte a meza neutte
A fâ l’âegua d’erbe cheutte.
Ma o progresso çittadin
O no vêu ciü lünna pinn-a
E o gh’ha mìsso a lampadinn-a,
Rovinando ün scîtetin
Dove armeno i amorosi
Se basciavan, stando scosi.
A-o pontin, a-o pontin
O se andâva a dâ i baxin,
O s’andâva a-o pontin de Strie
A fâ l’amôu e a fâ do rie.
MARIO GAREA
Nato a Varazze nel 1882. Letterato. Vivente.
Un regordo de Algeria
O Fatima, a tò figûa
a riposa in to mae chêu
comme in ûnn-a insenatûa
ûnn-a nave naufragâ.
O tramonti de Oran! Oh, in to cortile
circondôu de colonne e trafori,
reliquie di antighi mori,
discorrî de poesia!
