 |
Questa pagina a no l'è stæta corretta. | |
— 160 —
A fin se fermemo
E drento all’erbetta
Mettimo a tovaggia,
Ma, senza etichetta,
Mangemo e bevemo,
Lasciando o papê,
Che o vento do mâ
O pòrta con lê.
A Cisa
Pin.... pon.... pan....
Ciü vixin e ciü lontan:
Corpi secchi
E doppietti.
Staê attenti, o öxeletti!
Senza tanti complimenti,
Quando meno l’aspêtâe,
Voi vegnî imballinâe;
Mentre sciù cianin cianin
Ne vegnî pe-o çê türchin
O ve manca i sentimenti.
O l’è ûn tron,
O l’è ûn corpo de canon,
Ch’o ve piggia,
E stecchî
In sci ûn brûgo andâe a finì,
Oh che vitta, oh che destin!
O se naxe, o se patixe
E sta müscica a finixe
Proprio solo in t’ûn momento,
Con ûn corpo a tradimento,
Daêto a grandi, e ai ciû piccin.
