 |
Questa pagina a no l'è stæta corretta. | |
— 159 —
Un àngeo!... — Zà! ma un àngeo tûtto tinto....
__ E ti è mai visto (questa a l’è cuïosa)
Un àngeo, ti, che o no segge dipinto? —
ANTONIO VASSALLO
Nato in Albenga nel 1887. Maestro elementare a Savona dal 1910. Vivente.
A-o bosco de Ninfe
O figge e figgette,
Zoenòtti e figgêu,
Pigemo d’asâto
Straflette e riççêu,
Andemo de corsa
Con fiaschi de vin,
Con fave e salame,
A fâ o merendin.
Partimo contenti,
Andemo a brassetto,
Montemo pe-a strada
Passetto passetto,
Parlemo e rìemo
E intanto o vexin
O cangia de man
A ûn bon cavagnin.
O bòsco de Ninfe
O l’è tûtto ûn canto
De gente che gödan
Do monte l’incanto,
Che, mentre che mangian
A cheuxia d’ûn gallo,
Con doe capriòlle
Se van a cavallo.
