 |
Questa pagina a no l'è stæta corretta. | |
e-a me dixe: — Cose t’êu? —
No l’è tì, Venere bella,
che mi çerco e che sospïo,
ma i doi êuggi, che ferïo
han in mezo questo chêu.
Cöse a fa sta nêutte ciaea,
sto portento de splendô,
se no gh’è doe stelle paige
di doi êuggi do mae amô?
Bello mâ da mae Savonn-a,
che ti spëgi tante stelle,
ti n’hae visto de ciû belle
di doi êuggi da Rosin?
Manco i sguardi de sirene
han di incanti ciû profondi,
no gh’è perle in ti têu fondi
che glie possan stâ vixin.
Cose a fa sta nêutte ciaea,
sto portento de splendô,
se no gh’è doe stelle paige
di doi êuggi do mae amò?
Passa o tempo, van e stelle,
e mi çerco, çerco attento:
in te tûtto o firmamento
no ne spenta comme e sêu.
Côri, o nêutte, côri presto,
lascia a l’arba, fâ ritorno
perchè posse tûtto o giorno
vedde e stelle do mae chêu.
Cöse a fa sta nêutte ciaea,
sto portento de splendô,
se no gh’è doe stelle paige
di doi êuggi do mae amô?
