 |
Questa pagina a no l'è stæta corretta. | |
— 151 —
finiva o dôçe idillio
a prêuva de tornata.
E drin drin, drin....
Evviva i dôi sposin!
E drin, drin, drà....
A-a fin se pêu quetâ!
Barchezzata a-o ciaeo de lûnn-a
(Canson)
I
(Canson)
I
Sta seja a lûnna pinn-a
d’argento a innonda o mâ,
e-a brixa ponentinn-a
a veja a fâ gonfiâ..
Rosin, drissemmo a prua
in mezo a sto splendô
e confondemmo i basi
da lûnn-a e de l’amô.
Perchè contro a-o mæ sen
ti chinn-i a testa brûnn-a?
O nostro amô segreto
a nö tradisce a lûnn-a.
Sente che dôçe invito
vegne da-o çô seren,
mentre ogni cösa a canta:
— Zoeni, vorreive ben! —
II
Ti veddi là Savonn-a
de lûxi pontezzâ:
a pä ûn feston de stelle
desteiso lungo o mâ.
Fra quelle lûxi ascosa
o dorme a têu casetta,
