 |
Questa pagina a no l'è stæta corretta. | |
Ma questo, grasso e grosso cumme ’n baggio,
Sèufèto a se refâ d’ogni remissa,
Pe cumpensâ o resûggio do furmaggio
Co ’a carne l’ha caccë da fa säsissa.
Brindixi
Beivo e esarto in estaxi
Questo sincero arnigo,
Che a gôa o me gattiggia
Con o sò bon pezzigo,
Che o me dà forza e genio,
Che me resciöa o chêu
E a bocca arsfûà m’imbarsama
D’ûn gûsto de pignêu.
Scì beivo a questo nettare,
Nemigo d’ogni baega,
Che o dà vigore e spirito,
Ma a mente o no embriaega.
O nostro sô doçiscimo
Risplende in questo vin,
Spremûo da-e man d’ûn Ercole,
Da-e ambre e da-i robin.
A bönn-a donna tûtta sorridente
A l’ha criôu allegra: — A l’è ûnn-a figgia!
Unn-a biöndinn-a! sciâ no se lamente,
A reginetta a sià da sêu famiggia.
Sciâ mie comme a l’è snella, a pâ ûnn-a sbiggia;
A l’è ûn pomin de rêusa veramente....
Sciâ a lasce cresce e sciâ veddià che figgia,
Con sta faccetta rionda e promettente.
