 |
Questa pagina a no l'è stæta corretta. | |
E manco m’ho scurdae i urne buin amisi
Di zèughi, de baruffe e di mendin;
Pe quanto o tempo o n’agge reisi grixi,
Ne-a mente e-i veddo sempre ancon piccin,
Descâsci, a testa nûa, zû pe-i caruggi,
Zûgando a tocca-faero, a-o diao, a-a loêua,
Sporchi de taera e i sûoi pe-a faccia a raggi,
Ansciando pe-o corrî, co-a lengua in fêua,
Pe-i ponti di câfatti a fà de ciumbe,
A-a pesca di gigioin, a tiâ di tosci,
Pe-i orti a rancâ, siöule pe fà trumbe
O pe-a Villetta in çerca de rampôsci.
Ëmo da Campanassa e da Caladda,
Di Fraighi, Mercanton e di Casciae,
Un mûggio de batôsi, che ogni stradda
Vorreimo sottomissa cômme a ûn poe.
Pe çerce faete a sciabbra armae e de fiönde
No stamo guaei a guaera a dichiarâ,
Bastava ne squadressan con e gronde
Pe sûbito a battaggia incomensâ.
Che belli tempi, allöa! O vitta, pinn-a
De zêughi, de scappadde e de piaxei:
Scömbatelle, pe-i Sparti, in meso a-a finn-a
Erbetta, sempre verde, dove sei?...
Torta de seixo — morbida e bunn-a,
Boccön speciale — da mae Savunn-a,
Da-o fêugo vivo — chêutta, indorà
E con bon êuio — condizionà.
Canto a tò lode —, a tò bontae,
Che han reiso celebri — tanti tortae.
Cantà te vêuggio — con a parlata
Da brava gente —, dove ti è nata,
Perchè a fragranza —, che a ven da ti,
Se spuse a-o sêunno — do nostri « scì ».
Rigordo a Monica —, a Pasqualinn-a,
