 |
Questa pagina a no l'è stæta corretta. | |
Doppo se càrega
Ben a pipetta,
Se fa döe ciarle
Co-a patronetta,
E a fin se zêuga
A-a bescambiggia
Fra quattro amixi
Unn-a bottiggia.
Verso dex’ôe
O s’arza a veïa,
Se lascia tûtti
Co-a bonn-a seia.
Se törna a casa
Cö chêu contento,
Se arve a portinn-a
In t’ûn momento.
Poi se va a cuccio
Senza fracasso
E se coggiönn-a
O contrabasso.
Son nato proprio sôtto a-a Campanassa
E a voxe sò ciù votte a m’ha adesciou:
Ho faeto i primi passi in sce a sò ciassa
E i primmi zêughi ingenui ho là imparou.
Sôtto o sò archioto, poi, ûnn-a zuenetta
M’ha misso e primme spinn-e drento a-o chêu,
Zûgou tant’ote aveimo a-a pignatetta
E ben se voeimo finn-a da figgiêu.
L’aveiva i êuggi e o nomme da Madonna,
Biondi i cavelli e-o naso ûn po’ a l’in sciû,
Ma a quella poscitoèse de sò nonna
Che a me parlesse a no ghe andava zû.
A-a vegia paivo o figgio du demonio
E mi pe daghe paxe l’ho lasciâ:
Però gh’o in pëto un gerto testimonio
Che ve pêu dî se mai me l’ho scurdâ.
