 |
Questa pagina a no l'è stæta corretta. | |
Me figgia Rusinin l’ha dixêutt’anni,
Ma a fila drita ben, ve o diggo mi;
Gh’ho ’na mainea, cumà, de batte i panni
Che a no s’azzarda quexi de muscì.
Gh’ho feto ben capì: — no vêuggio inganni,
Ammia de no fermate a descurì;
Se poi te veddo ancun co’ sciù Giuvanni
Te sero in casa e te ghe fasso muì. —
O l’è due settemann-e e ûn capurale
O l’è vegnûo a domanda a faghe in cà;
Gh'ho deto o me cunsenso, è naturale.
O-u lascio vegnì a seia ûn po’ a veggià
Ma te gh’ho dito: — All’occhio, caporale!
Se ve baxiate, non li fe ciuccà. —
Te vêuggio ben, Savunn-a,
nativa mae sittè,
e in ûnn-a söla abbrasso
e belle têu contrae,
Da l’elegante Cörso,
scinn-a e ciû antighe stradde,
da-e ciasse grende, averte,
ai moêu de têu caladde.
Amo e cullinn-e verde,
ch’in gìo te fan çentûa,
o mâ, che i pè te baxa
e ö nömme têu salûa.
Amo i vinetti gianchi,
fæti cö-a modda vegia,
e i êuggi de zuenette,
döve ö tëu çê se spegia.
