 |
Questa pagina a no l'è stæta corretta. | |
Sarpièmo l’ancoa, mettièmo a veja,
andièmo in fêua lontan lontan;
l’Armetta in vista, i Zovi e a Steja.
e finna e creste du Settepan.
O mâ o l’è carmo, sciù presto andemmo
soli mi e ti:
l’è pronta a barca, a veja e o remmo,
dimme de scì!
De baxi e canti l’anima pinn-a
no te diö mai de ritornâ;
saiò o teû scciavo, ti a mae reginn-a,
a mae Sirena, a Dea do mâ!
O mâ o l’è carmo, sciù presto andemmo
soli mi e ti:
l’è pronta a barca, a veja e o remmo,
dimme de scì!
I
Ne vegnimmo da vedde o porto bello
e do Venerdì Santo a bella procescion;
emmo visto de cöse da no credde
in t’ûn mondo d’incanti e de illûscion.
A sciorte d’in tò Dommo a nêutte scûa
o ve s’attacca a-o chêu de man in man
comme ûn sentò de morte e seportûa
a-o lento di tambûi: plan, rataplan....!
Oh, do Venerdì Santo
mai bella procescion!
no ghe n’è ûnn-a ätra a-o mondo,
