 |
Questa pagina a no l'è stæta corretta. | |
Sêunna, sêunna, caa campann-a,
Sêunna e sveggia tûtta Sann-a:
Che i teû figgi, sempre grati,
Sempre degni di antenati,
Se covrian de nêuva gloria,
Caa campann-a da Vittoria!
Savoneixi, sciù cantae
E grandesse da çittae:
Son vee pagine de gloria
E degniscime de storia.
Nu se sa per documenti
Chi n’ha faeto i fondamenti;
Ma a l’è molto rinomâ
Fra e antighe e celebrâ.
L’han descrita in prosa e in rimma.
Da Ligûria quaexi a primma:
Patria vea de onesta gente,
Sempre dïne ben se sente.
Ammiae ûn pö che bello çê,
De ciù belli o no ghe n’é:
Miae che splendido orizzonte
Là da-a valle, là da-o monte,
Che bellessa, che splendô
O ghe versa o Creatô!
Da ogni parte mi ghe sento
Armonioso un vëo concento.
L’äia chi salùbre e finn-a
Da campagna e da marinn-a
Vegnan tûtti a respiâ:
A pä proprio imbarsamâ.
E chi mai porrieiva dî
I grand’ommi nâti chi?
Che grand’ommi de antenati!
Che giuristi e letterati!
