 |
Questa pagina a no l'è stæta corretta. | |
e la raxom chaza de for. 288
ogni vertue se bandeza
quando l ira fortuneza.
per che de fim che se comenza
ocier dei soa somenza, 292
per no laxate soperihar
ni la raxom segnorezar.
se tropo in for la laxi inspenze
gram breiga e poi in lo strenze: 296
pu e ca venze un castelo
venze lo cor chi e rebelo.
ben se po l omo e de irar
contra una cossa chi e mar, 300
che la no faza creximento;
o per atrui castigamento.
or in tar guisa te no guarda,
304che l ira a ti lo cor no t arda;
e contra lui sta si guarnio
che la no crex a omecio.
Sextum non fornicaberis
lo sexto dixe: no fornica,
308lo quar tu dei ben oservar;
che sapi ben che la luxuria
e la pu pesente iniuria
che contra l omo far poesi,
312aster se tu l ociesi:
per zo se scrive adeso in drito
de l omecio[1] chi e dito.
o per saverte ben scremir
316entendi zo che te voio dir:
che de fornicatiom
e cinque ieneratiom;
e chascauna te vor noxer,
320se a lui te lassi coxer
ni abraxar de van amor
chi te tornase in amaror.
la primera e menor grao,
324se l un e l atro e desligao;
ma pur lo mar e si pesente
che danay son eternamente.
lo segondo e avoterio,
328chi e grande vituperio;
ben e ligao con lo demonio
chi conrompe matremonio.
a doio dem aver li gai
332se intrambi doi som mariai.
quante anime e corpi deriva
esto peccao donde el ariva!
e quanti mai e dani n exe
336donde esta ofenssiom se texe!
grande son e greve e spese,
chi ben exponer le vorese.
lo terzo e vergem comrumpir,
340chi lonzi fa da De partir;
che la verginitae compia
de De e stalo e segrestia.
semeiante e de iardim pioso
344pim d ogni ben e de reposo;
se calcum rompe lo murao,
da monto gente e po guastao:
che de li mai chi poi ge som
348lo primer n e stao caxon.
o quanti dani e guai a lor
chi de zo som comenzaor!
lo quarto peccao con le parente,
352chi lo collo rompe a monte gente.
crestiam son faozi e meschim,
ma pezo som ca sarraxim.
lo quinto e contra natura,
356chi e gram desaventura;
che no se de homo apelar
chi tem costume bestiar.
- ↑ 314. il ms.: lo mecio.
