 |
Questa pagina a no l'è stæta corretta. | |
De carnis privium et die veneris.
Fozar se[1] chiuncha po
tosto amortar l autrui gerra,
preuegando che de zo
4se po guastar la soa terra;
che qui de lonzi e nigligente
en amortar aceisa[2] zema,
ta or inderno g e corrente,
8quando casa soa crema.
perzo ue posso reicontar
una noua chi ue piaxe,
de doi me grandi amixi car
12chi de guerra an faito paxe.
donde, per meio deszhairar
de questo faito lo tenor
en lo nostro latin uolgar,
16o chi notao li nomi lor.
frai Venardi e Carleuar
se incontran in un camin,
ma si no eran ben ingual,
20che l un pareiua frescho e pin,
l aotro era monto resenio
e aflito de astinentia,
con barba longa e mar uestio,
24ma con bona consientia.
e si como e oi contar
a pusor homi chi li uin,
chi lor odando disputar
28me recointan zo che li oim,
che, l un con l atro contrastando,
tanto inter lor furor s aceise,
no so e ben como ni quando,
32ma pur li fon a soze prese.
che l un de lor chi ben pin era
comenza l atro de befar,
contra lui crolar la zera,
36uoiando lo desprexiar.
e disse-gi con grande crio:
frai, ch[e] t e intreuegnuo,
che tu e si incatiuio,
40ruzenento e barbazuo?
e tu staito inprexonao
o in alcun destrenzemento?
dime chi t a consomao,
44faiga, fame o fumo o uento?
conpassion me fa de ti,
che mar mangi e cazi e uesti;
se tu no inprendi da mi,
48a mi par che mar ge zesti.
unde te pensi tu andar?
che se toi faiti me uoi dir,
meio assai te faro star,
52se tu me uorrai seguir.
alantor disse Venardi,
respondando a Carleuar:
se tu uoi raxonar con mi,
56no t e mester cossi criar,
che uexim intranbi semo;[3]
poi che noi semo incontrai,
se de ben raxoneremo,
60ben se ne po segui assai.
se sauer uo lo me uiaio,
prumer uoio sauer da ti
lo to, che for qualche auantaio
64ne porai tu auer per mi.
e de lo mar che tu me uei
no te faza aotra pietae,
se no che tu inprendi e sei
68in maor toa segurtae.
se tu m ai uilanezao
en lo peruerso dito to,
da De te sea perdonao,
72che dentro e chi fa dir zo.
