 |
Questa pagina a no l'è stæta corretta. | |
averam grande merito da Deo como anon avoto monti atri, et quando se partiranon da corpi loro li angelli de Deo veranon a sarvalli, e quelli chi mortificherano li desideri de lor corpi et de la carne si averam grande gracia da Deo, soè la glora[sic], la quâ non vem mai men in seculla seculorum, e in de la quâ li angelli de Deo dexideranon de vedeilli, e si sum facti semeganti a la petra, si como dixe Izaia profeta, che jn vam non am fame, et quando sum afatigati non am septe, e le erbe salvatiche deventanon a lor como mere, e quando lo conbatimento e le tentacione de lo demonio vegno a lor, si levam le main e li ögi a lo cello a Ihu. Xe. onipotente e lo pietozo Deo, chi contuniamenti a lor da ajuto, si manda li söi angelli a servilli et [ca]ssam via tuti li demonei.» Dicendo li frati: «Figollo non n'ai-to inteizo la santa scriptura chi dixe che Xe. non abandona lo povero, e la patientia de lo povero non verà mai men, e beato quello chi farà la volontade de Deo supra la terra, inperochè li angelli li faranon alegrare serviandolli et confortandolli da ogni ora.» E quando eo Innofio avi da li supraditi frati monte umilli cosse odie, queste e semegante cosse de santi padri monto magiormenti le resevei inter lo animo mio e in de lo meo core e pensai bem che la lor dotrina fosse grande e bona. Alaora eo Innoffio andai incontenente per la via chi me menava in lo dezerto, pensando che quelli cotalli stesenon in l'atro mondo como santi de Deo, si che odano[sic] queste cosse si me levai la nöcte e preixi tanto chi me baste quatro dì e insì de lo monestê, e andando eo me goardai innanti e vidi una colonba de focho andare innanci monto teribille a vedeilla, e vedandola eo avi grande poira, e per la poira pensai de tornare inderê de donde era insito e abitare pu in lo monestê. Alaora lo onipotente Dio chi volle che tuti li homini se salvanon non me lasò fare questa operatiom, e parseme che quella coloba[sic] de focho deventasse uno belissimo homo, e revozandosse a mie com mirabille loquella me piamò per nome e disse: «Inofio, Jdeo sea conteigo e dagate paxe, e non abi poira de mi, che eo sum lo angello de Deo che per volontae de Deo te sum mandato in goardia da lo to nassimento in sa, e che eo te gorde[sic] fin a la fin toa. E digote che in questo lögo, in de lo quâ Deo te fa degno de andare, Ello sarà conteigo e ti zunzerai a Lei e sarai beneito in seculla secullorum.»
[A]laora confortato eo da lo meo Segnore Ihu. Xe., sequitai la via de lo dezerto, e andano[sic] infra lo dezerto III-VI jorni si trovai una speloncha pisena, in de la quâ eo intrai e trovai uno servo de Deo monto vegio, a li cui santi pedi mi me ge butai e pregaillo che ello feisse per mie oraciom a Ihu. Xe.. E faita l'oraciom si me disse: «Veni chì, figiör mê, e dame la pace.» E mi li dei la pace. E quando lo avi baxato ello me disse: «Tu sei Inoffio epercuratore meo apè de Deo nostro Segnore. Or vene figiör meo, che Xe. sea in tua goardia e gordate[sic] in tute bone opere.» Alaora intrai dentro e steti conseigo VII jorni insegnadome[sic] quello che li santi padri am a fare in lo dezerto. E depoî li VII dì quello santo homo me disse: «Sta suza figollo meo, e veni comeigo, inperochè te vögio menare in quello lögo unde volle Ihu. Xe. che ti stagi.» E eo me levai e seguillo, e andamo IIII dì e IIII nöte, e trovamo una picolla speroncha a la quâ era acosta una cella monto picena, e una parma e una fontana de aqua. E incontenente se revosse a mie quello santo vegio digando: «Figollo, questo è lo logo chi te è aparegiao da Dê, e inperò chì te covem abitare tuti li dì de la toa vita.» E intrado[sic] quello vegio et jo dentro, quello santissimo padre stete comeigo III- jorni, ameistrandome de le opere de li santi padri. E eo lo demandai de la generaciom et de lo so nome. E quello me disse: «La generaciom e lo mê nome te digo: Hiramo[1] Abe nome è[2], inperò arecordate de mie in Xe.» E depoî III- dì si retornò in so lögo. E pöi da quello tenpo innanci ogni ano vegniva a mie in fi[sic] che ello vivè, lo quâ eo soterai presso la cella mia."
E in quello che santo Innofio dixea queste parolle, eo Panucio lo demandai e dissi: "O' paire santo, in de lo to incomensamento avesti tu monte tentacione?"
E quello me disse: "Fraello mê amorosso, monte tentacione e monto dolore e' abi, che disperato de la vita e chiedeiva la morte. E questa mizeria de fame e de sete e' ò sostegnuo li dì de lo cado la stade e la nöcte de lo uverno lo freido, si che la anima mia se trubrava fin a la morte. E de tute queste cosse si è mutata la mia carne, e li interiolli mei si eranon monto turbati, e le mie vestimente me manchànon in breve tenpo, e cossì lo mê corpo romaze nuo, siché monta peña e' ò soferto. Alaora Ihu. Xe. pietozo e mizericordiozo, quando vi che sostegniva queste cosse, si me dè grande pacientia e lo mê corpo chi era nuo si me lo copersse de capelli, e mandòme lo so angello de sello chi me portò pan chi za sum trece[3] agni. E quando eo insì de lo monestê steti agni III- che mi non mangai pu, se non erbe sarvaige, e aqua beveiva a mizura, e da III- agni fin aora per atri trenta chi sum pasati, si m'a lo nostro Segnor Deo vixitao de dì in dì, e vegando che avea misso la anima mea e la mea speranssa in Lê, e avendome bem castigao [...]
