 |
Questa pagina a no l'è stæta corretta. | |
per charche infirmitae e de fâ limoxina o se ne po schuzâ per per povertae, ma de non perdonâ o non se ne po schuzâ per niguna cossa, persochè a perdonâ o non costa, avanti o ge zoa e si non g'è de breiga, ma o g'è avanti de lengeressa, unde e' l'è debita cossa che Dee non dege avei mizericordia de quelli chi non am mizericordia, e cossì per lo contrario, e' l'è contra raxom che Dee non dege avei mizericordia de quelli chi am mizericordia.
Che Dee disse in lo Evangerio: "Con quella mezura che voi ve mezurerai atri, con quella propia 'o sarei mezurai voi", so è a dî, se voi perdonerei a quelli chi ve offendem, Dee perdonerà a voi.
E persò o se dè perdonâ per cinque raxoim, ò sea per cinque modi: per conpassiom, per tema, per speranssa, per deleto e per devociom. E de questo e' n'amo lo exenprio de quello Segnô chi perdona promeramenti, soè Ihu. Xe., lo quâ è nostra testa e nostra gia, per conpassiom, perssochè quello chi offende si è sego e fa pezo a lê mesmo cha a quello che e' l'offende. Per tema, persochè ti ai tanto peccao che se ti pensassi bem ti non troveressi requiem se Dee non lo faisse per mizericordia, e questo fa Dee a chi non perdona a atri. Per speranssa, persochè quando lo homo perdona da bon cör, Dee tem che o fassa limoxina per debito, persochè la nostra faiga e inferma e contrita e costa e porta in cör e si zuiga in hövere e si è paxe de lo corpo e de lo cör e si dà alegressa e reposso e segurtae. E sum questo santo Agusti[sic] disse: "Quando una perssona prega a Dee che o ge perdone e che ello non vögie perdonâ a atri, quello in lo consego de Dee è semegeive a um chi tagasse pan davanti a un segnô con um cotello de che ello avesse morto so figio." E persò e' demo vorei semenâ quella cossa la quâ no fa pu mestê in lo tenpo de la nostra nesesitae, e non ne sarea niguna cossa pu necesaria como che Dee ne perdonasse.
E santo Anbröxio dixe che a li justi e a li peccoi g'è nesesario perdonâ, perssochè chi non perdonerà non sarà soramenti condanao de le peccae che ello a faito, ma eciamdê o sarà condanao de le peccae chi g'eram staite perdonë.
E questo se vè in lo Evangerio, unde lo nostro Segnor Dee avea za perdonao dexemiria talenti a um so servo, e persochè quello so servo non vosse perdonâ pochi dinari a um so conpagnom, lo nostro Segnô Dee lo fè mete in prexom per quello debito che o ge aveiva perdonao. E in questo messê Ihu. Xe. ne conclue digando che lo Paire celestiâ farà cossì a noi, consoseacossachè le offeize che fassemo a Dee som semegeive a quelle che resevemo da lo prossimo, cossì como de li dexemiria talenti a respeto de quelli cento dinari.
E santo Agustim dixe che l'è bem mato chi se lassa trâ um öiho, asochè lo so inimigo ne aga trëto doi. E anchora e' l'è bem pu mato chi se ne lassa trâ doi per veine trâ um a lo so inimigo. E persò questo tâ perde la anima e lo corpo.
Lo otavo grao si è conpassiom [sic]
Lo otavo grao si è conpassiom[sic], de la quâ Xe. disse in lo Evangerio: "In veritae e' ve digo che se voi non averei conpassio[sic] ò non pianzerei la vostra corpa, e voi non sarei consorai." E in um atro lögo o dixe: "Beai quelli chi pianzem, persochè saram consorai".
E Davit proffeta dixe che [chi] semeña in lagreme si se mete in alegressa.
E san Zoane evangelista dixe che o vi Dee chi se aparegiava de vorei sugâ li ögi de li santi, a li quëi e' l'aveiva contendao che e' non devessem pu pianze, perssochè elli am asai pianto.
E Saramon dixe che eram stëti in pochi pianti e angustiai e in pochi bem e sum steiti[sic] disperssi, so è a dî che lo tenpo de la justixa non n'è staito ninte a respeto quello de lo piaxei.
E santo Agustin dixe che chi non a conpassiom non po fâ preffeta oraciom, che cossì como se perde la semenssa chi se böta in terra non bem arâ, cossì se perde la toa demanda davanti da lo Segnor se ti non ai conpassiom de cör.
E san Bernardo dixe che tute le forsse de lo homo non pörem comöve la vorontae de Dee tanto como farea la conpassiom, e si è quella cossa chi vensse e pu umillia Dee a fâ tuto so che lo homo vö e tuto quello che o ge demanda.
E' l'è aora da vorei vei che cossa è constante conpassiom. E' respondo che constante conpassiom è una discressiom de penssâ, e devocio[sic] de dexiderio, e frevô de aquistâ amô, e amô de comandâ e sperâ in Dee pregandoge e justixa profferiandoge in ello tuto bem la propia conpassiom, e arecordasse de le soe peccë, e vergognassene, e dexirâ li beneficij, e amâ li mereti con conpociom, e penssâ la contriciom, e de questo o ne dè fâ oraciom e ponze Dee per devota (o) oraciom. Bona conpocio[sic] è quando lo peccao fa una ostinaciom de le peccae e teme, ma non tanto che o se asegure tropo in bem, e spere, ma non tanto che o se asegure tanto in lo mâ, che o se vergögne, ma non tanto che o se conturbe contra de Dee, e a um preponimento de forsa a fuzî lo mâ, asochê o prevegne a li bem de vita eterna. Conponciom è docessa de lo amô de Dee e amaritude de ogni odi[sic] e peccao. Conpociom si è constrenzesse per umilitae e alegrasse per umilitae. Conponciom de le ree alegresse si aveñe in aveine doror, e de quello dorô aveine
