 |
Questa pagina a no l'è stæta corretta. | |
gracia o referiva lo nostro Segnor messê Ihu. Xe., e aparegiasse monto honoreivementi per andâ a so paire. E quando lo paire sape la soa vegnua, o ge ze incontra con grande gente e cavalaria, e con grande alegressa, e non se porea cointâ la bella prichaciom che Joxaffà fè a so paire, e como manifestamenti o ge dè a intende li eroî de le idolle e como o non era da horâ atri cha lo nostro Segnor messê Ihu. Xe. e la santa Tirnitae[sic]. E quando o l'ave bem ameistrao, o ge disse che ello non avesse nigum dubio che lo nostro Segnor Dee era senper aparegiao de reseive lo peccao, senper che o tornasse a penetencia. E quando lo paire ave inteizo ogni cossa da so figio Joxaffà, si renegà tute le jdolle e resevè lo santo batesmo da lo vescho che Joxaffà avea ordenao. E poa tuto lo argento e lo valor de le jidolle lo fè dâ a li poveri. E poa o fè frabichâ monte zexie, e tuta[sic] le gente de quello reame corssem a lo santo batesmo. E faito questo lo ree arenbà ogni cossa a Joxaffà e poa vische in stao de grande penetencia per tenpo de IIII agni e passà de questa vita.
E morto che fo lo paire, Joxaffà ordenà um barom chi avea nome Barachia ree de tuto quello reame. E poa secretamenti o se misse a partî bem che tuto lo povo non voreiva atro segnô cha ello. E tuti lo tegneam per forssa e voreivam che ello rezesse lo reame. Ma pu a la fin ello se misse [a] andâ povero per la via de lo dezerto e dè a um povero le soe vestimente reae e le vestimente de quello povero o se le misse in dosso.
Or lo demonio invidiozo monte insidie ge fava, e monta fiâ ge parea che um cotello nuo ge zeisse per le carne, e tuto questo ge fava lo demonio per deveâge che o non zeisse a so camin. E alchuna fiâ o ge andava adosso a modo de una bestia sarvaiga, ma ello dixea senper: "Segnô mê messê Ihu. Xe. seai in lo mê aitorio." E cossì o se conportava in lo so camin.
E in questa mainera ze Joxaffà per spacio de doi agni per lo dezerto con grande afano e con grande dezaxo, e in la fin e' l'odì una voxe chi dixea: "Benedicamus Domino." E goardà e vi che ello era Barllam chi stava sum la porta de la soa speloncha. E quando ello vi Joxaffà apeña che ello lo cognossè, e recognosandosse e' se abrassàm per pezui fië dagandosse la paxe e quaxi che non poivam parllâ de grande alegressa.
Or quando elli fon repossai Joxaffà cointà a Barllam ogni cossa per ordem de tuto quello chi ge era avegnuo, de che Barllam fo monto consorao. E poa stem cossì per um tenpo inseme in stao de penetencia. E poa Barllam passà de questa vita. E Joxaffà seando de etae de agni II-V passà de questa vita in lo solitario logo e fo soterao in um logo con Barllam.
Or intendando [so] lo ree Barachia si fè adû questi beneiti corpi a la citae, e quando elli fon presso lo ree ge ze incontra con tuto lo povo e la iherexîa, e con grandi pianti e reverencia e' li sepelim, de la qua sepotura monti miracori ge mostrà lo nostro Segnor messê Ihu. Xe. lo qua è beneito in seculla secullorum Amen.
Questi sum li trenta grai de messê sam Jerömoimo de la cellestiâ schara che ello fè de doi segnoi. E l'um de quelli chi menava bona vita e virtuoza e lo quâ promete a tuti quelli li quë vörem fâ a li söi comandamenti de dage lo regno, soè lo regno de vita eterna, lo quâ è aparegiao a tuti quelli chi vam per la via de li söi comandamenti. E l'atro si è lo infferno, lo quâ è aparegiao a tuti quelli chi sum rebelli e chi vam per la via de li vicij. E a vita eterna se va per ternta[sic] grai, soè per trenta scharim.
Lo promê scharim de questa schara si è la vera fe', soè che noi demo cre in Dee Paire Figio e Sprito Santo, lo quâ è um Dee, e si demo goardâ de non fâ cossa chi sea contra a li söi comandamenti, e si demo fâ tuto quello che o comanda. Chè lo nostro Segnor Dee dixe in lo Evangerio: "Se voi non creirei, e' morirei in li vostri peccai."
E santo Agustim dixe che l'omo nega Dee in doi modi. Lo homo nega Dee, soè, per övere e per infedelitae. E sapi como lo homo nega Dee o se parte da ello. E se lo homo mostra che ello abia bona fe' e le hövere non segoen, sapi che quella fe' ge vâ pocho, persochè Dee dixe in lo Evangerio: "Chi creirà e sarà batezao sarà salvo, e chi non creirà sarà condanao."
E san Grigö dixe: "E' sum alquanti chi dixem: «E' sum batezao e si crao doncha e' sum salvo.» Questo è vei se la fe' segoe a le parolle per bone e per veraxe hövere."
E san Poro dixe che l'è monti faci crestiani chi dixem in parolle che e' crem in Dee e in le hövere e' lo negam.
E san Zoane evangelista dixe: "Che[sic] ama Dee e non fa a li söi comandamenti, questo è boxardo."
E l'exenprio si è che, se doi vegnissem a caza toa, e l'um fosse richo e bem vestio e l'atro fosse povero e strasozo, tu direissi a lo richo: "Vegnime a seze apè." E a lo povero tu ge direissi: "Va a seze apè de quello." E fassando cossì tu ê contrario a Dee e ti propio si te condani, persochè Dee, chi è soma richessa, como tu sai bem che ello se fè povero e cono[sic] li poveri conversà e si li fè hereij de lo regno de lo cell, lo quâ regno o promete de dâ a tuti li söi amixi. E voi dezonerai li poveri e honerai li richi. E ti sai bem che lo richo penssa senpre in lo mâ e in lo dezonô de Dee. Per che voi dei conpî la leze in amâ cossì lo povero como lo richo, e fassando questo voi amerei lo prossimo e si non peccerei, e otra 'o non anderei contra la leze ni li comandamenti de Dee.
E alchu[sic] ge n'è chi dixem: "E' o fe'" E questo sarà salvo vegando lo so frai povero e bezognozo e che o non lo sovegne in le soe nesessitae?
