 |
Questa pagina a l'è stæta corretta. | |
secorre. Quando li figij d'Issael inteizem so, si n'avem grande dolor e fem piamá Saul chi vegnisse a lo canpo con li söi böi denanti da ello. E quando Saul li ave inteizi, si disse a quelli de Gabes Galad che elli se ne tornassem e che infra trei iorni ello li secorerea, e fe retegní um de quelli mesagié, asochè ello ge mostrasse lo camin.
Or in quello iorno e in quella ora lo re Saul fo inspirao da lo nostro Segnor Dee e fe prende li böi de che ello se menava e osizeli e si ne fe pessi, e si li mandà per tuti li termem d'Issael, e fem lo comandamento de lo re Saul, e mostravam li peci de quelli böi morti a quella gente, e acordansse tuti a um vore[sic], cossì como se elli fossem frë. E fom a numero CCC M chi vègnem tuti a lo re Saul. E lo re sernè de quelli chi pu ge piaxèm e fene tre parte: re Saul mandà l'una parte a ferí inter la gente da monte de quelli de Naas, e ronpinlli tuti quanti e fem inter lor grande mortalitë; e re Saul ferì inter quelli da valle, e fom la mao parte quelli de Naas morti e schonfiti. E quando la batagia fo conpia, quelli figij d'Issael dissem: "Quë sum quelli chi dixem che re Saul non regnerà sorve noi? Noi vogiamo che elli seam tuti morti".
Respoze Saul: "E' non vögio che nissum sea morto anchöi, persochè lo nostro Segnor Dee anchöi a faito salvo li figij d'Issael".
Disse lantora Samaul proffeta a lo pövo: "Vei, questo si è lo vostro re chi dè andá davanti voi e si ve dè reze in batagia, ma e' ve vögio mostrá como avei grandementi peccao incontra lo nostro Segnor Dee. Voi vei bee[sic] como lo cel è ihairo e schelente, ma nientedemen e' pregerò lo nostro Segnor Dee e si farà vegní pree, troim e lanpi che a lor parrà esse contra natura".
Or quando lo pövo vi quella maravegia de quella tenpesta, si fon tuti spaventai e dissem a Samuel proffeta: "Prega a lo nostro Segnor Dee per noi peccaoi, chè e' cognossemo bem che amo faito má quando 'e demandamo re contra la soa vorontë".
Respoze Samul: "Non temei, ma goardëve che de chì avanti voi non peccai e sarei sarvi, voi e lo vostro re Saul".
Or re Saul fo lo primé re d'Issael, e fo bon incomensamento. E pöa o fo cossì despiaxeive e marvaxe contra a lo nostro Segnor Dee, unde Samuel proffeta pianzando fortementi per lo peccao de Saul, lo nostro Segnor Dee disse a Samul proffeta: "Non pianzi per Saul, che e' l'ò deschasao e desmiso de lo reame, ma prendi una anpoleta de örio e vatene a caza de Iesse e umzereai um de söi figij per re, e sia[sic] quello che e' te mosterò, e si è quello chi è obedientie a li mé comandamenti".
Chì se contèm como Samul proffeta ze a caza de Isse e unzè Davit so figio per re sorve lo pövo d'Issael.
Quando Samuel proffeta ave inteizo la vorantae[sic] de lo nostro Segnor Dee, si fo tuto confortao e preize soa via e zesene a caza de Iesse, e si ge disse che ello ge mostrasse tuti li söi figij. E Iese si ge li fe vegní davanti, e fegene vegní VII.
Disse Samul: "Non sum chì tuti li töi figij, pesochè[sic] chì non è quello che e' sercho".
Respoze Iesse: "Non, che e' ne ò um pisenim chi goarda loe bestie".
Disse Samuel: "Fallo vegní incontenente".
O mandà per ello, e quello avea nome David, chi era monto monto bello, ardio e alegro, e monto bella fassa e retrava in rosso. E quando Samuel proffeta lo vi si disse: "Questo è quello che lo nostro Segnor Dee a alezuo re d'Issael".
E pöa o lo tirà da una parte e preze[sic] quella anpoleta de örio santiffichao e butàgela sum la testa e dissege: "Lo nostro Segnor Dee si t'a elleto re sorva lo pövo d'Issael".
E pöa se partì da ello.
Chì se conte' com[sic] Davit ocize lo zagante chi era in lo oste de li Filistei
A pöa de lì a um tenpo si se congregàm li Filistei e vègnem con grande possansa contro a li figij d'Issael. E Saul re si congregà lo so oste e v[è]gne contra quelli in um lögo chi avea nome Ramot. E in quello oste de Saul ge era tre[sic] figij de Iesse, frai de Davit.
Or, in quello oste de li Filistei, si ge era de fortei homi, ma inter li atri o ge era um zagante chi avea nome Golias, lo quá era longo goa VI e parmo um, e avea forssa per homi IIII-, e portava lo schuo de ferro, e lo ferro de la lanssa pezava Vi[1] CCC, e per quella raxom pezava tute le arme.
Or quando quelli d'Issael voream vegní a conbate, questo zagante jnsiva de föra e metevali in rota, si che de so li figij d'Issael reseveam grande dano, chè ogni giorno questo zagante vegniva a la matim e stava contra li figij d'Issael
- ↑ abbr. de un'unitæ de mezua?
