 |
Gh'è stæto in problema into correze sta paggina. | |
e che tuto lo oste passe davanti um fiume davanti lo mar, e quando faraom saverà che lo pövo sea lì, si penserà che i seam tuti preixi, persochè 'o non porei andá ni vanti[sic], ni inderé, e cossì indurerei lo so cör, che o ve verà deré per tornáve in Egito. E mi ge sarò a l'incontro, e lantora li Egiciem cognoseràm che sum Dee poderozo sorve tute cosse".
Alaora li figij d'Issael zem per la via che Dee ge avea comandao.
Or stagando cossì lo pövo, o fo anonciao a lo re che quelli de lo pövo d'Issael se ne fuzivam, e incontenente lo cör de faraom fo indurao, (de)e cossì de tuti li söi vasalli, contra a li figij d'Issael, e fon pentij che elli li avessem lassë andá, e disse a li söi vasalli: "Che è so, che per tá modo e' amo lassao andá quello pövo? Or che ve pá de fá? Che se noi li lassamo andá, e' perderemo tuti li servixi che e' ne soleam fá".
Or acordànssem tuti a um comando che elli insisem tuti föra, soè li cavi de l'oste e tuta la cavalaria de la terra. E tegnivam la via che aveam faito li figij d'Issael, e menàm con ló caroci tuto lo lor per forsso e le carrete de Egito, e lo nostro Segnor Dee avea indurao lo cör de faraom e de li Egiciem contra li figij d'Issael.
Or l'umdeman, quando li Egiciem fon asenbrai, insìm de la citade[sic] e zem derré a li figij d'Issael, e trovàm la[sic] lor oste a la riva de lo mar Rosso. E tuto lo pövo de lo re faraom si era tuto recogeto[sic] in um lögo chi a nome Brasam.
Or quando li figij d'Issael li vim che li Egiciem vegnivam contra lor, si avem grande poira e si criàm inver lo nostro Segnor Dee, e zem inver Moizes e ge dissem: "Non era in Egito sepoture unde se fossemo posui soterrá si che per gracia ti ne ai menë a sepellí in queste arene, a esse morti per le maim de li Egiem[sic]? E perchè ai-to faito so? E perchè n'ai-tu traito de Egito, unde n'era monto megio serví a li Egiciem cha morí jn le arene, e in questa foresta? E questa è bem la raxom che e' te dizxeimo, che noi non voremo insí de Egito per andá in atre terre".
Respoze Moizes: "Non temei, avanti stai in paxe, che 'o veirei tosto la possansa de lo nostro Segnor Dee, e la grande maravegia che o farà anchöi per voi incontra a li Egiciem, pu e' ve meteràm poira, e de li a pocho 'o non ne veireij nissum, persochè lo nostro Segnor Dee conbaterà per voi e voi starei in paxe".
Chì se contèm como lo re faraom con lo so oste morì in lo má Roso.
Disse lo nostro Segnor Dee a Moizes: "Va e di a li figij d'Issael che elli penssem de caminá, e ti feri con la verga in lo má Roso e partirànsse le aigoe, si che li figij d'Issael poràm andá per mezo lo mar cossì como um senter, e mi indurerò lo cör de li Egiciem, per modo che elli ge verràm aprövo, e mi sarò contra faraom e incontra tuta la soa cavalaria, e lantora e' cogneseràm[sic] che e' som Dee poderozo sorva tute le cosse, e si partirò l'um oste da l'atro per gande[sic] maravegia, si che elli non se poràm aprossimá a voi, e quelli moràm, si che e' manderò [...] da la parte de li figij d'Issael, che e' poràm vei tuta quella nöcte cossì como se fosse de jorno".
Or quando Moizes ave inteizo lo nostro Segnor Dee, si levà la verga inver lo cel e ferì la ëgoa de lo má Rosso, e fon incontenente partie le aigoe. E lo nostro Segnor Dee si mandà quella nöcte um vento si grande e si cado che o sechà tuta quella aigoa de lo mar, e fe lì como se fosse una via batua, e le aigoe stavam da l'una parte e da l'atra como se fossem doe grande montagne. E li figij d'Issael intràm per quella via e si se ne zem. E quando faraom fo zointo lì e vi che li figij d'Issael se ne andavam, si intrà in quella via con la soa gente per andáge deré, e quando o vègne la matin inver l'arba, lo nostro Segnor Dee si goardà per figura de nuvera sorve l'oste de li Egiciem e fe andá lo re e li cavi in lo proffondo de lo mar.
E lantora li Egiciem dissem: "Fuziamo che lo nostro Segnor Dee conbate con noi per li figij d'Issael!".
E quando e' se ne vossem fuzí, lo nostro Segnor Dee comandà a Moizes che ello ferisse de la verga in lo mar "e le aigoe torneràm jn lo so lögo sorva li Egiciem chi van fuzando".
Or li Egiciem se creivan insí per quella[sic] má unde eram intrë, e le aigoe fon incontenente justae l'una con l'atra, e crovì tuti li Egiciem, e negalli tuti con faraom, che o non ne
