 |
Questa pagina a no l'è stæta corretta. | |
ogni bocca a l'ha ûn augûrio
ûn salûto, ûnn-a parolla...
ma se pensa ä cassarolla,
a-o confeze do bibbin.
Dappertûtto ûn gran borboggio,
dappertûtto ûn gran da fâ;
ogni stradda, ogni caroggio
pin de ciaei comme ûnn'artâ:
chì se canta, là se sbraggia,
chì se çenn-a, là se beive...
a finî o mae quaddro a neive
ghe vorriae doman mattin.
Doman, carma sensa ûn schêuggio,
doman, festa da famiggia;
o pan doçe con l'öfêuggio
e pe-o brindixi a bottiggia
ch'a l'ha ciù de mëzo secolo;
e ûn remescio de figgiêue,
de masccetti, zenei, nêue
in gïo a chi l'é o bordonâ.
Bordonae de case, santi
vëgi avansi do passôu,
operai stanchi, viandanti
ch'hei zà tanto camminôu,
