Comme gh'é l'erba gramma in mêzo a-o gran
e in te ûn costo de rêuze gh'é o scorpion,
comme ven in sce ûn corpo bello e san
o ciavello o vespâ, brigoa o bûgnon,
in mëzo a voî, popolo forte e bon
che con orgoglio o sà d'ëse italian,
gh'é a vipera, gh'é o fuccao, gh'é o birbon
che co-i marchi o scimiotta Vespasian.
Vëgia Portoja, ti no hae ciù de sasci
pe sto vile bastardo sensa onô? -
a pensâghe me ven torna i fûmmasci!
Ma invece de ciappâ sto traditô
e impacchettoû mandâmelo a Marasci....
voeì scommette che o fan commendatô?