 |
Questa pagina a no l'è stæta corretta. | |
a malappenn-a o spunta,
l'impe de lûxe o sô:
a quattro passi o mâ,
grosso anchêu, doman carmo:
ûn ödô d'ægua sâ,
gossi, barche in desarmo,
pescoeì co-a pippa a-i denti
sciù pe i schêuggi assoiggiæ,
padroîn de bastimenti,
figgiêu, donne, mainæ,
ûnn-a gexa; ûn convento,
o ciassâ, l'ammiadô,
i bagni, a Salvamento....
ëse pe ûnn'öa pittô,
saveì mette in sciä teja,
c'ûnn-a gran pennellâ,
i schêuggi, l'ægua, a veja,
e tûtto quanto Arbâ!....
Ma cöse diggo?.... Andemmo
tegnindose pe man;
ecco a barchetta, e o remmo,
chi ne portiâ lontan…..
torniemo ä palassinn-a
tornando e stelle in çê;
mi e ti, – ma ti reginn-a
e mi.... scciavo a-i tò pê.
