 |
Questa pagina a no l'è stæta corretta. | |
2.
Ma aççendendose ûn sigaro
Ghe rispose o sciô libbrâ:
Questo chi o l'è ûn libbro raro
E diffiçile trovä
Da-o momento che l'amô
O s'è fæto venditô.
3.
Doppo questa, ûn perdibräghe
Tûtto cô da sabadiggia
O vegnîva a domandäghe:
« I segretti de famiggia »
Ma o libbrä o te g'ha risposto:
Poei saveili in ogni posto.
4.
Comparindo ûn çerto tale
A çercä mëzo affannôu
O divorzio coniûgale;
O libbrâ o te g'ha sbraggiôu:
Quante l'è che tra i maiæ
Se pêu vive separæ!
5.
A ciû d'ûn chi domandäva
A raccolta di grend'ommi
O libbrâ o ghe replicäva:
« Con bruxô di galantommi
« Che no i stimman da-o partïo,
« Questo libbro o l'è esaurïo. »
