 |
Questa pagina a no l'è stæta corretta. | |
4.
Cianzo, rïo, prego e giastemmo,
Me dispero e torno in mi,
Odio, ammo, canto e fremmo,
Diggo no, e diggo sci,
Son ûn lion, son ûn pighêuggio:
No so ciù quello che vêuggio!
5.
Scrêuvo, ascondo, taxo e conto
I mæ ciæti a chi no-i sà;
Pe poei scrive ûn verso pronto
Piggio a penna e a caccio là;
Arvo, lezo, e særo o fêuggio:
No se[sic] ciû quello che vêuggio!
6.
O perchè chi l'indovinn-a?
Perchè son ûn bullibæ;
Perchè ho l'anima piccinn-a,
Perchè in causa de l'etæ
Ingianchindo a vista d'êuggio:
No so ciû quello che vêuggio!
A passämene mez'ôa
Stava ûn giorno da ûn libbrâ,
Quand'inträva ûnnn-a scignôa
Sottovoxe a domandä
O volûmme intitolôu:
Amô disinteressôu.
