 |
Questa pagina a no l'è stæta corretta. | |
11.
Se l'Italia pe-o momento
A g'ha tanto da guagnâ,
Se l'è vëo che Trieste e Trento
A porriâ riconquistâ,
Ch'a no faççe a spaximante
Pe-a politica austriacante,
12.
Bella Italia, mi vorriæ
Che progresso e civiltæ
Foisan solo a tò bandëa,
Che ti foisci allegra in ciëa,
Sempre forte, ardimentosa,
Grande, bælla e prosperosa!
13.
L'è ben vëo che gh'emmo a Franza
Che consunta da-o venin
A deslengua ne-a speranza
D'assätate in scï confin;
Ma ti forte e indipendente
Ti no devi däghe a mente.
14.
Perchè lê, repubblicann-a,
A l'è scciava incadenâ;
Perchè lê a no n'è lontann-a
Da-o sentîse rinfacciâ:
« Ti, nazion libera e franca,
« Ti perlecchi l'orsa gianca. »
