 |
Questa pagina a no l'è stæta corretta. | |
3.
Fin che regna l'ambizion,
A giöxia, l'adûlazion,
A gran sæ de cöse nêuve,
Lüxe o sô ma dï che ciêuve:
Dï che a forza de progresso
Ritornemmo ne-o regresso.
4.
Ben che son cûrto de vista,
O Novanta o l'ha raxon:
E s'o cianze, e s'o s'attrista
No ghe dï pöveo mincion
Perchè questa päxe armâ
Chi sa mai comme a finiâ!....
5.
Mì n'accûzo e monarchïe
Mì n'accûzo e religioin;
Ma chi semina e giöxïe,
I sospetti fra e nazioin?
Chi corrompe a societæ?
A sä forse a civiltæ!......
6.
Oh! lasciæme ûn pö sbraggiâ:
Tûtti in casa gh'emmo o mâ;
Tra i vulchen l'è o mondo vëgio
Pe caxon do Privilëgio
Ch'o l'ha puïa che i scciavi gianchi
De soffrïlo seggian stanchi.
