 |
Questa pagina a no l'è stæta corretta. | |
Con aveighe quello vëgio.
Cao compagno de collegio!
Viva, viva l'invenzion
Do fonografo Edison
Chi sobbacca, chi assottæra
Tûtto quanto gh'emmo in tæra
In trovati e novitæ
Da ciù grande ûtilitæ!
2.
Ve pä ninte o conservâ,
O ripete, o perpetuâ
Un discorso, ûnn-a parlata,
Un conçerto, ûnn-a cantata?
Ve pä ninte o poei sentî
Cianze, rïe, scigoä, toscî?
3.
Nostri nevi, con piaxei
Doppo ûn secolo sentiei
O Gaiarre, a Patti, o Stagno,
Borghi, Singer e Tamagno:
Sentiei scinn-a l'uragan
De cioccate che ghe fan.
