 |
Questa pagina a no l'è stæta corretta. | |
Un battûzo, ûn mädûcôu
In scignor civilizzôu,
L'ignorante in ommo dotto,
88L'ommo mûtto in poliglotto,
L'ommo rango in ballerin,
O spendæso in pentemin,
O spuiözo in coraggiözo,
92In ciù addescio o dormiggiözo,
O ciù pigro in ommo attivo,
In san Luigi o ciù cattivo,
O ciù birbo in galantommo,
96O bamboccio in tocco d'ommo.
Mi, ve cangio in moneghetta
A ciu cäda gallinetta,
Unn-a brûtta e desgaibâ
100In donnetta a ciù aggraziâ.
Un anemica in poppûa,
A sbroggetto in carne dûa,
A Maiasse in töa da letto,
104In angiëta a garsonetto,
Mi me ciamman re di chêughi,
Mi conoscio tûtti i zêughi,
Mi sò fâ mille pasticci,
108Façço treççe, façço riççi
Da bancâ, da perrûcchê,
Mi so fâ tûtti i mestê.
