 |
Questa pagina a no l'è stæta corretta. | |
Che pessïgan comme l'aggio,
60Che v'addescian o coraggio.
Pe talento mûxicale
Comme mi no gh'é l'ûguale,
E davanti a o letterin
64Son ûn Verdi, ûn Paganin.
Mi, d'ammiäve v'elettrizzo,
Mi ve tïo, ve magnetizzo,
Mi ve strenzo intorno a-a vitta
68Comme foise a calamitta.
Sensa o minimo contrasto
Mi ve desfo, mi v'impasto,
Mi v'ammærmo e v'assottiggio,
72Mi ve rendo coscì stiggio
Che d'ammiäve a cantefî
Quand'andæ pä che vegnî.
Mi ve façço diventâ
76Un zûenotto da baxâ,
Un panson con sei panê,
Un chi porta duî braghê,
Un fascemmi, ûnn-a fraschetta,
80Unn-a faccia da fammetta.
Mi ve cangio l'ûzûraio
In solenne ûmanitaio,
Un bigotto in liberale,
84Un ipocrita in leale,
