 |
Questa pagina a no l'è stæta corretta. | |
3.
Comm'a l'é instrûia,
Comm'a sa fâ
Ben i sò conti
E travaggiâ
Tanto all'agôggia
Comm'a-o groscê!
Oh, son feliçe
Vixin a lê!
4.
Da-i disætt'anni
De ciù a no n'ha,
E d'ëse bælla
Manco a no sà.
Pâ ch'a ne sciorte
D'ûn monestê,
Oh, son feliçe
Vixin a lê!
5.
Comm'a l'é bælla,
Comm'a l'é cä
Quella che ûn giorno
Vêuggio adorâ
Comme s'adora
Unn-a moggê!
Oh, son feliçe
Vixin a lê!
V.
Epigramma
Pe avei torna vint'anni mi daiæ
Dante, a sò gloria, e l'ôu de Deffesræ;[sic]
Ma pe attaccâse all'ôu ciù d'ûn mercante
O daieiva i vint'anni, a gloria e Dante.
V.
